張雨綺傳被飛出新作　本尊親自打假：睡醒了開工

內地女星張雨綺最近於節目中公開暗諷前男友、上位小鮮肉男星于適出軌，令于適於央視中秋晚會活動中被除命，星途堪憂，同時亦影響埋張雨綺自己，因為其前夫袁巴元嘅另一「前妻」葛曉倩怒轟張雨綺當年亦係「小三坐正」，是非不斷。尋日（18日）網上再傳出本身由張雨綺做主演嘅新片《開門紅》，忽然女角易人，網上資料變為女星鄧家佳！

「#張雨綺疑似被換角#」話題登上熱搜，於截稿前就有近1億閱讀量，大眾狂食花生，不過張雨綺今日（19日）一早就主動為事件澄清，發出自己昔日疑惑表情嘅表情包回應，並留言：「早上一睜眼，嘿！你猜怎麼了？睡醒了！開工～」疑似否認被換角，耿直為自己反黑。惟網上新片資料仍然係Post出鄧家佳為新劇女主角，而新片亦已開機，上映時間尚未確定。不過稍後有自稱知情人士透露，早前就因雙方溝通不一致，而調整女主角人選，同近期事件無關。