汪明荃首演佘太君當旺　抽千元利是明年披甲再戰

由汪明荃主演的新編粵劇《忠烈楊門》早前一連公演了4場，贏得不錯口碑，身為班主的彭美施近日宴請台前幕後作答謝，大部分演員均有現身敍舊，近日工作繁多的汪明荃更「坐足全場」，又抽到千元利是，運勢不俗。影大合照時大家以「明年載譽重來，震撼全城」為口號，宣布明年重演，飾演佘太君的王明荃承諾：「我一定會唱及演得更好！」

汪明荃坦言自己首次演老角：「眼見每位演員都好打得，呢班年輕一輩演得好好，我反覺得自己未夠好，應該要再努力啲。其實今次演出我有啲心怯，整個戲嘅負擔都好重，首場自問演得唔好，當練習啦，後來熟練咗暢順好多。我擅長演感情戲，只不過今次亦嫌演得唔夠威嚴，呢個戲應該要再威嚴啲。」她又指丈夫羅家英聽取了一些別人的意見後，再給她提點，她很希望下次演得再好。