林依晨內地真人騷天價酬勞曝光　10集賺790萬人仔

台灣藝人林依晨，出道逾20年嘅佢有着「零負評女神」嘅美名，惟早前喺內地戀愛真人騷，因一句「我是成都人」引發熱議。雖然形象受到重創，但似乎無損佢嘅好心情，早前靜靜返咗台灣嘅佢，隨即亦出席公開活動，面對台媒嘅提問，佢亦表示希望外界可以理解。

而喺活動完結當日，林依晨亦被台媒捕捉到佢乘坐要價近305萬新台幣（約74萬港元）嘅保母車返屋企，而該處亦係林依晨2019年花1.5億新台幣（約3千6百萬港元）購入位於台北市青田街嘅豪宅。另外，據悉林依晨是次喺內地戀愛真人騷中，一集酬勞約79萬人民幣（約87萬港元），錄完10集代表佢共賺約790萬人民幣（約870萬港元），認真吸金有道。