周子瑜公開咖喱飯新食法　奇怪搭配惹震驚

南韓人氣女團TWICE台籍成員周子瑜，早前推出迷你專輯「abouTZU」嘅佢，近期更係為咗宣傳新歌不斷上節目宣傳，而近期話題滿滿嘅佢，更獲公司推出真人實境節目《All abouTZU》，人氣認真高踞不下。

而喺日前播出嘅第2集中，周子瑜喺休息室食咖喱飯嘅畫面就意外掀起熱議，只見吃相誘人嘅周子瑜，竟然係將飯同咖喱分開食，引嚟唔少網友留言道：「子瑜不是拌派！咖喱不拌派站出來！！！」、「子瑜果然是仙女，知道咖喱飯是不能拌！」此外，節目中周子瑜亦透露自己會餅乾配飯食，奇怪搭配亦令唔少韓國網友感到難以置信。