陳法拉冰島疑全裸浸浴　住靚酒店逾3千蚊一晚

成功進軍荷里活嘅藝人陳法拉，依家成日都要全世界走嚟走去，除咗開工，佢都好Enjoy同家人嘅quality time，就好似最近佢就去到冰島睇極光的影片，仲疑撇甩一對仔女，只係同法籍老公過浪漫二人世界。不過有網友就發現，佢喺最新上載嘅戶外溫泉泳池相中，素顏紮起頭髮，臉紅紅露出肩膊、頭靠池邊，上半身更疑似半裸，雖然冇走光，都夠網友有無限遐想。

而陳法拉佢住嘅酒店就正正可以睇到極光，另間酒店ION Luxury Adventure Hotel位於冰島雷克雅未克，酒店建在Mount Hengill山脈，部分客房可俯瞰Lake Thingvallavatn湖，由於視野佳，更可在酒店睇星空及觀賞極光，鄰近還有獲聯合國教科文組織列為世界遺產的Thingvellir國家公園，而每晚索價約3,300港元起。