陳浚霆古佩CP檔搵真銀　全程翹到實勁煙韌

無綫藝人陳浚霆與古佩玲（Kelly）今日在九龍塘出席電動車活動，兩人首度以處境劇《愛·回家之開心速遞》「風神CP」出席活動搵真銀，全程翹到實，認真煙韌。有米的「風少」陳浚霆除了為活動做嘉賓，更是新車準車主，問到酬勞可夠買車？他笑說：「夠畀訂，希望可以接多啲工作。」更笑言希望下次有樓盤活動邀請可以順便買樓，坦言雖然有物業，但也有再置業打算：「依家都係好時機，唔係啲錢唔知去咗邊，有個責任感，有啲嘢供下。」

當浚霆被問到取新車會否第一個載Kelly，他即笑說：「我會揸架車返工，等到佢收工。」笑問載她返屋企比在將軍澳更浪漫？他笑說：「我哋已經日日都愛回家。」至於剛過完生日的Kelly指因事前不知道要不要開工，故沒有約朋友慶祝，與狗狗在家中度過生日。而剛完成《金式森林》拍攝的浚霆就透露正籌備為Kelly補祝生日飯，又爆收到對方送的中秋蛋黃酥，笑言除了外表靚，吃完也沒有肚痛，會準備生日禮物回禮。