蔡少芬29年後再扮「牛夫人」　驚艷全場零走樣

藝人蔡少芬（Ada）近年主攻內地市場，最近佢就喺古裝劇《後宮甄嬛傳》延伸出嚟嘅內地綜藝節目《煥新環遊傳》中，還原29年前自己於電影《大話西遊之月光寶盒》入面嘅經典角色「牛夫人」鐵扇公主（牛魔王老婆），再次令人驚艷。

團體再次去到當年拍攝地銀川，蔡少芬相隔咁多年後再以同一扮相示人，竟然完全零違和感，就好似咗防腐劑咁，樣貌、身材同當年幾乎冇差別，不過亦有網友大讚佢呢身裝扮更似佢另一經典角色《洛神》嘅甄宓，靚絕全場。