江嘉敏被朱智贤摸肚　爆有好消息公布

艺人江嘉敏及朱智贤今早（21日）到旺角出席慈善活动，向在场长者派发福袋，期间不停被集邮，相当受欢迎。二人分属无綫旧同事，见面即“鸡啄唔断”，朱智贤更老实不客气，双手放在江嘉敏腹部，笑言对方有好消息公布，江嘉敏则大方回应：“多谢朱姐提点，我依家会努力keep fit啦！”

二人打趣指现在靠做义工敍旧，被朱智贤指“好嘈”的江嘉敏笑说：“之前我出咗一个慈善活动，都唔知佢会同场，事后我哋都有约食饭倾偈。”当被追问感情生活，是否真的有好消息公布，她娇嗔回应：“边个男朋友呀？冇呀！（见妳成日收花，乜唔系咩？）多朋友啫，送花都可以系女仔送嘅。（嚟紧休息，系咪会认真啲去考虑吓拍拖？）哎呀，学朱姐话斋，个肚都有咗5年，系时候要的起心肝减肥就真，就因为开剧同离开咗香港，真系少咗时间做运动。”

至于朱智贤被指与男友谢东闵同居，她一再否认：“我自己住㗎。（佢话妳屋企好乱嘛。）嗰条片佢喺度讲笑，点知啲人就攞出嚟讲啫。（佢喺《企业强人》个角色好乞人憎，妳有冇睇？）我第一时间叫佢修身先，佢嗰角色又真系好配合佢，哈哈！呢个角色好有发挥，佢真系要做到令睇嘅人觉得佢好乞人憎，想打死佢就好成功嘞。（咁妳想唔想吖？）长期都想，其实我都乞人憎，不过我嗰种系女强人嘅强势，而佢最乞人憎系食极都唔肥。（你头先话佢要修身喎。）上镜唔同嘛，佢真人OK㗎。”