黄依汶结婚10周年　1个够晒数唔再追

艺人黄依汶（Emme）与陈国坤2014年结婚，今年庆祝结婚10周年纪念，2人育有一子现年8岁的陈真，一家三口幸福美满，由艺人转型成为饮食揸fit人，Emme已经习惯这个新身份：“做餐饮业之前，已经有自己品牌，唔系由娱乐圈直接跳入呢个岗位，中间都做咗好多唔同嘅职业，当然仲有就系做一个全职妈妈啦!觉得做妈咪真系好辛苦，因为我做乜嘢都可以放低，但系小朋友就唔可以放低，所以个种辛苦系精神上，即系嗰一刻做嘢已经好攰，但系仲要同个仔倾偈，你系唔可以唔睬佢嘛! ”

Emme视儿子如“小大人”般看待，两夫妻幕前的演出，都要给陈真过目及批准：“其实佢都好想知道妈咪爹哋喺度做紧啲乜嘢，我每日返屋企都会同佢讲吓我今日做咗啲乜，有啲乜嘢感受？希望佢都会习惯，以后有咩事都同我讲，所以就算爸爸拍啲16岁以下唔畀睇嘅电影，我哋都会喺旁边引导畀佢睇，等佢知道我哋两个做紧嘅嘢。 ”并扬言生一个够晒数，笑指曾问过儿子是否想要细路妹，儿子坚决表示不要，还表示不怕一个人会闷，有朋友便足够。早前暑假Emme让陈真参与军校训练，儿子获益良多，她表示：“因为佢由细到大都未试过喺出面过夜，今次一去就7日，返到嚟好似大过咗好多，有阵时仲会抢住折晒所有被，同埋最大嘅成就，改善咗寒背问题，从未见过佢企得咁直，简直系值回票价呀!”