Andrea Kuoni人气劲升 胸猛圆梦
2024年09月21日 23:00
东网电视
更多新闻短片
Andrea Kuoni嘅身材真系正！（互联网）
模特儿系好多少女嘅梦想职业，更会主动到模特儿事务所自荐，之但系如果被面试官弹唔够靓，又会否令自尊心受损而放弃梦想呢？对于来自美国嘅Andrea Kuoni嚟讲，唔单止冇放弃，反而成为佢圆梦嘅动力添！
出乎意料
样靓系成为模特儿嘅基本条件之一，否则纵然有副靓偈，生得丑样都好难成为模界一员，而一向对自己嘅美貌充满信心嘅Andrea Kuoni，原以为到模特儿事务所自荐，就一定会成功获得取录，而且甫出道便会一炮而红，之不过幻想总是美好的，现实却事与愿违。
出生于美国密苏里州嘅Andrea Kuoni，自细系父母嘅掌上明珠，而在学时期更系追求者众，故此佢深信自己魅力十足，亦自觉万千宠爱在一身，将来投身模特儿界必定会大红大紫，于是大学毕业后便自荐到模特儿事务所，全力发展模特儿事业，却估唔到事情却出乎意料。事缘佢当日面试时，对方劲弹佢个样唔掂，又冇独特嘅个人风格，好难喺模界脱颖而出，最后更不获取录，令佢喊咗几日几夜，真系阴功呀！
爱心爆棚
Andrea Kuoni坦言当时自尊心受损，有谂过放弃模特儿梦，但系佢好快就化失败为动力，加上获得家人嘅支持，于是佢就朝向裸模界发展，将性感自拍照放上网公诸同好，果然冇几耐便被美国著名男士杂志睇中，邀请佢拍摄一辑全裸写真，既然难得获得如此机会，Andrea Kuoni便抱住不成功便成仁嘅心态瞓身演出，结果写真一出，便成为男士们嘅焦点，反应相当好，令佢嘅人气火速上升，之后接连获得拍摄写真机会，从此开展裸模事业。
Andrea Kuoni笑称当时特登将呢辑写真寄到当时拒绝佢嘅模特儿事务所，以证明对方走满眼！另外，佢唔单止样靓身材正，仲好有爱心，原来佢经常捐钱到病患组织又做埋义工，呢啲咪叫人美心善啰！
Profile
出生地：美国
身高：170cm
三围：34F-24-35
近年Andrea Kuoni积极发展性感网红事业，大家Click入佢嘅IG就可以睇到好多辣照，必定能满足眼球。而佢早前更开设埋模特儿事务所，一尝老板娘嘅滋味，亦为有意投身模界嘅女士提供一展魅力嘅机会。