林志玲AKIRA甜蜜通話　2歲囝囝名字曝光

台灣名模林志玲嘅日籍老公AKIRA（黑澤良平），近期出演內地綜藝真人騷《披荊斬棘》第4季，喺節目中順利打入第4次公演嘅佢，日前亦忙裏偷閒打電話同老婆閒話家常，只見林志玲同AKIRA先係傾當日嘅工作狀況，之後AKIRA更問囝囝「Taiyou」有冇喺屋企，緊接着就傳出2歲囝囝嗌「爸爸」嘅可愛聲，意外曝光囝囝日文名音同太陽外，電話中更傳出幾聲林志玲嘅咳嗽聲，出名錫老婆嘅AKIRA更即刻關心係咪感冒，對此林志玲雖然表示太攰時會咁，但AKIRA仍堅持表示返東京後就帶佢去睇醫生，認真羨煞旁人呀！