保錡宣布加入足總丙組球隊　高齡闖球壇有心唔怕遲

男團ERROR成員吳保錡前日（23日）發文，宣布今年年尾將會加入一隊足總丙組球隊，成為半職業球員，並講出心路歷程，同時貼出球星C朗拿度談自律嘅訪問影片，以33歲之齡加入球壇。

保錡年紀對踢職業賽事都算係偏大，不過佢都自言年紀唔係問題，只要堅持一定會做：「我由19歲開始諗嘅所有事 都堅持去做 一開始會有好多挫折同失敗 但一直堅持落去 真係做到自己腦海入面嘅事 我唔係想説服任何人 只係想大家想做咩就去做 年紀不是問題 只要堅持一定會做 今年年尾我會加入一隊 足總丙組球隊 成為半職業球員 再一次完成一直的夢想。」不過保錡未有透露係咪已經同本港足球聯賽隊伍簽約，亦未知佢會同邊隊波合作。