迪麗熱巴追星成功見奧斯卡影后　鄧為周也被比下去

巴黎時裝周星光熠熠，今次就嚟到內地頂流女星迪麗熱巴出場，佢現身品牌時裝騷時，就成功追星奧斯卡金像影后妮妲莉寶文（Natalie Portman），迪麗熱巴獲安排坐喺Natalie Portman同超模Natavia Vodianova中間，C位證得寵地位，騷後又同與創意總監親密合影，地位之高令人羨慕。「#迪麗熱巴成功追星娜塔莉波曼#」話題更上咗熱搜，又被大讚喺國際大場面下氣場十足，一眼驚艷。相反上位小生鄧為、人氣小花周也等都有同場睇騷，不過佢哋嘅位置就同迪麗熱巴差天共地，風頭被搶，不過好在都有份大合照。＇

另外，早前因私生活混亂而潛水去海外發展嘅蔡徐坤，今次亦有獲邀參加巴黎時裝周，仲同美國猛男Channing Tatum合照，更獲品牌副總裁兼創意總監Donatella Versace及品牌廣告御用攝影師Mert Alas於派對上合照，地位超然。