陳柏宇又嚟料　網上公審夾公仔舖

育有兩女的歌手陳柏宇（Jason）一向不平則鳴似足「維園阿伯」，繼早前在網上「搭嘴」公開表示睇好MIRROR成員Edan（呂爵安）追到馬來西亞女神林明禎後，日前又在網上「公審」夾公仔機舖。

他在社交平台甫某一間夾公仔機舖的照片，再怒轟被當水魚：「個夾未上到去，個頂已經鬆手，咁我寧願你教（校）鬆啲個夾，咁起碼我都仲覺得我有一線生機。大佬呀，你喺上面咁樣鬆手，你有冇良心㗎？生勾勾咁呃咗我$25（元） …」似乎未能為寶貝女夾到心儀的公仔，令他在女兒心目中的「型父」形象蕩然無存而怒火中燒。

不少網民留言分享類似的經歷，表示香港大部分夾公仔店都係「好難夾」，還建議他可以幫襯某指定店舖夾公仔，或者有「保底」的夾公仔機，甚至可搭飛機往到日本，相信夾公仔的「命中率」會較高，亦有網民勸他息怒兼慳番啖氣，認同全港大部分的夾公仔機都是「呃人㗎」，更有網民指他這個Post太好笑，笑指他似師奶上身。