關楓馨冼靖峰做吃貨　放下包袱鏡頭前狂擦

藝人關楓馨與冼靖峰（Archie）因為拍攝無綫節目《家常便飯爭霸戰》而成為好友，兩人更不時四出搵食。冼靖峰最近帶關楓馨到荃灣品嘗一間他由細食到大的糯米糍鋪路，去到雖然要排長龍，但為美食，兩人也一於照排。

買到不同口味的糯米糍後，兩人坐低品嘗糯米糍，她笑言本來也好想好好形容一下，但發現除了形容「好食」之外，也只有不停說「好食」，她笑說：「除咗好食之外，都唔知講咩，你睇Archie個樣就知。」她又特別推介榛子味：「好食到詞窮，真係我哋食過最好食、最煙靭嘅糯米糍，千祈唔好畀條隊呃到，其實郁得好快。」