甩拖Lokman女友都冇　無啦啦多個女提早體驗做老竇

由人氣男團MIRROR隊長楊樂文（Lokman）、廖子妤和魯文傑主演的新劇《十七年命運週期》講述關於成長和療愈自身的故事。Lokman在劇中育有一名可愛的女兒，他笑言提早體驗做爸爸的感覺：「今次就當係先修班，快啲感受下有個囡囡係咩情況。不過人哋嘅小朋友就點都好玩，所以都係玩住人哋個啲先。」

今次合作飾演父女的廖子妤（Fish）和魯文傑（Simon）都覺得大家十分有火花，Fish指過足戲癮：「我覺得我哋之間嘅拋接好有趣，大家都好互相信任。好多年前，有一齊合作過製作畢業作品。諗返起嗰陣時，佢已經係一個好好玩嘅前輩。」而Simon就稱讚Fish很認真努力：「本身以為佢唔會記得之前合作過，點知佢又好有記性，呢樣嘢都一流。頭先拍個陣，有刻真係當咗佢係我個女，真係好想呵護佢。」