周吉佩為演唱會狂操肌　練到有幾舊...水

《中年好聲音》冠軍周吉佩（吉吉）聯同譚輝智，近日為美食墟活動擔任表演嘉賓，二人吸引大批粉絲到場支持，場面相當熱鬧。最近為演唱會積極備戰的吉吉，每日都忙於操肌鍛煉，他表示最難便是要忍口：「好似今日入墟唱歌，不斷聞到啲嘢食好香，真係好辛苦。其實依家我食得好清，日日雞胸同菜咋。（想變身大隻佬？）想成個人Firm啲啫，其實2019年為樂隊演唱會我都操過一次嘞，不過近日有好多粉絲留言話想睇六舊腹肌嘅我，所以壓力好大。（依家有幾舊腹肌？）有幾嚿...水囉，盡力啦！」

至於他與李佳芯主持的無綫節目《日本18種住法》，於「2024亞洲影藝創意大獎」內獲得「最佳生活消閒節目」獎， 而吉吉主唱劇集《羅密歐與祝英台》的片尾曲《梁山伯的華爾滋》亦獲得「最佳主題曲/主題音樂獎」，教他相當驚喜：「首次主持旅遊節目竟然得獎，希望可以有機會開下一季，有機會再同佳芯合作啦。」