周吉佩就快牛一　將與粉絲坐水晶巴士遊車河

《中年好聲音》冠軍周吉佩（吉吉）將於本月5日38歲生日，近日忙於準備演唱會的他，不忘抽空與粉絲歡聚，當日將與歌迷乘坐水晶巴士遊車河，並安排於車廂內共進晚餐，之後直落舉行小型音樂會，回餽大家整年對自己的支持。吉吉表示：「今次音樂會好特別，全晚都唔會唱自己歌，會唱啲平時大家好少聽我唱嘅歌，係特別送畀我嘅歌迷而舉辦嘅，至於其他歌就留番演唱會先唱。」

吉吉日前又出席了一個比賽，並擔任評委及表演嘉賓。今次比賽以「追逐夢想」為主題，參賽者要過關斬將才進入當日的總決賽，令他想起自己年前參加無綫《中年好聲音》的緊張時刻。被問到對《中3》參賽者的評價，他答說：「新加坡、馬來西亞，以及大灣賽區嘅過江龍好勁，我哋香港選手今次真係要加油喇。我最近寫咗一首新歌關於追夢嘅，希望遲啲可以上《中3》舞台為參賽者打氣啦。」