网民捕获Jeremy同Winka行街　要求合照惨食柠檬？

近日有网民在社交网发文指巧遇MIRROR成员和COLLAR成员，但就直斥2人疑似扮大牌，并写上：“啱啱撞到Jeremy（李骏杰） 同Winka（陈泳伽），谂住问佢地 （哋）可唔可以影张相，嗌咗下（吓）Jeremy个名，佢哋两个望咗望（个眼神系啤嗰种望），跟住直接无视咗我继续行，其实唔使咁串嘅，笑一笑都好呀！本身觉得佢地（哋）个人应该都唔差，但啱啱见完嗰一面之后，对佢哋改观哂，直程扣哂分。”发文者又透露自己曾巧遇MIRROR另一位成员，并表示：“我之前撞过AK，佢系劲Nice劲有礼貌，对佢嘅印象好好，呢啲咪识做啰。”事件曝光后即掀起网民热议，更有一位ERROR成员留言护航。

有网民向发文者分别提问：“会唔会系认错人”、“话人哋寸之前，你有冇检讨下（吓）你用咩声线语调去叫“Jeremy”呢个名出嚟，你呢度只系得文字无温度，BTW，无图无片无真相。”发文者则回应：“唔会，Winka冇带（戴）口罩，睇到晒佢成个样，而jeremy系带住佢平时顶帽，头发身形高度一认就认到”、“我系笑住咁叫佢btw 嗰阵系太突然，佢哋亦行得好快，一路望一路行走，同埋我都唔会偷影佢，我相信佢嗰时都未必想我偷影佢，我系谂住问佢可唔可以影张相先会影。”

ERROR成员吴保锜留言写上：“佢好好人嫁呙（喎）！可能咁岩（啱）听唔到。”另外亦有网民分享早前巧遇Winka，并晒出合照写上：“有图有真相！我上次喺D2 place撞到佢 佢劲nice!仲起身同我影相。”