Anson Lo為保狀態犧牲色相　白滑背脊失守吸滿拔罐

男團MIRROR成員「教主」盧瀚霆（Anson Lo）貴人事忙，想放假都難過登天，日日都要開工，又要應付大大小小嘅公開舞台演出，AL一直都敬業樂業，為咗準備嚟緊3個月高密度演出，佢就決定犧牲自己嘅白滑背脊，去咗做中醫針灸、拔罐保健，令身體保持好嘅狀態。

見佢晒出多張睇中醫相，當中就見到佢腳上做針灸及背脊吸滿拔罐等嘅相，佢個背脊就有近30個拔罐，做針灸嘅相又留言話雖然唔係劇痛，不過都覺得痛痛哋，同樣令「神徒（粉絲名稱）」心痛。佢又留言話為咗醫舊傷患，係咁不停做物理治療及睇中醫，捱到周身傷。