曹永廉萧正楠内地骚售罄　目标系帮观众分清佢两个？

艺人曹永廉与萧正楠私交甚笃，虽然经常于人前“互片”，但私底下却兄弟情心照不宣。曾经以歌手身份发展的他们，近日决定孖住于内地开骚，门票开售不久已告售罄，可见二人号召力非凡﹗阿萧于社交平台搞笑留言﹕“感激阿廉动用退休金，令今次演唱会顺利举行。”阿廉即回道﹕“为咗令你人生更精彩，一千几百万我愿意，但你上次食饭仲争我二十蚊，月尾出粮麻烦你畀番我！”

阿廉事后受访笑说﹕“我同佢几年前都试过喺香港搞演唱会，内地就首次喇，我当提携吓新人啰，哈哈﹗今次演唱会目的系畀内地观众搞辨清楚我哋，事关不停有人将佢认错系我，又将我认错系佢。至于阿萧讲到我好似系投资者咁，其实近期我喺佛山识咗个好朋友，佢二话不说就话投资畀我哋开骚，多谢佢嘅信任与支持。”阿廉又直言内地尚有其他演出正在接洽中：“依家都开始明白喺内地搞演唱会嘅细节，我当自己学多样嘢啰。”