張家輝自認《中年》忠粉　唱《真情流露》關詠荷淚崩

影帝張家輝近日集中火力於內地及澳門拍攝新劇《芻狗之血》，離港前他不忘參與主演電影《重生》的宣傳。日前他接受無綫娛樂新聞台主播王鎮泉（泉叔）的訪問，期間自揭是《中年好聲音》忠粉，大讚該節目勵志又正面，令他追看得肉緊又開心。

家輝表示：「我覺得呢個節目好成功，畀咗中年人一個機會，後面嘅故事好感性，呢個係節目嘅元素，亦因為呢啲元素，令到節目好睇咗，都係幾正面。」問到家輝何考慮上節目做評判時，他爽快回應：「我直頭想參加（比賽），唓！有冇搞錯，點解唔搞個《中年藝人好聲音》？不過講真唔敢呀，我一生可能有幾首歌唱得幾好，但要進級同唱幾十首，覺得好難呀！」

曾經簽約英皇成為旗下歌手的家輝，當年樂壇出道時，橫掃各大平台的新人獎，風頭一時無倆。為了呼應今次訪問，有關方面更剪輯了他當年於綜藝節目《回到未紅時》中對着太太關詠荷高歌《真情流露》，搞到對方淚崩，場面感人。