湯洛雯攜眷觀禮　馬國明幫老婆揸機影靚相

視帝馬國明與林夏薇（薇薇）合作拍攝無綫電視電影《尋夢琴澳》，雖然已經煞科，但仍有不少網民於社交網晒出之前在街頭偶遇他們的相，相中馬國明全程攬實林夏薇，不少人都猜測兩人在戲中可能是飾演情侶。薇薇身穿藍色上衣搭配白色短裙，一雙修長美腿相當搶眼，而馬國明則穿上帥爆白色西裝，型格十足，俊男美女的搭配讓觀眾都非常期待播出。而薇薇有份演出的無綫劇《黑色月光》未播先紅，釋出的預告片中她與王浩信上演超激床戲，完全讓觀眾衝擊眼球！

至於作為「2Line黨」的湯洛雯早前飛日本見證姊妹蔣家旻出嫁時，原來老公馬國明亦有陪同出席，今日湯洛雯晒出多張靚相，寫道：「幾耐冇試過五個一齊去旅行，依家仲個個一拖一變十個喇！不過確係好治愈嘅旅行，多謝 @chiangel1110 （蔣家旻）俾我哋有機會去個咁靚嘅地方放鬆吓，聚吓笑吓，好難忘溫馨嘅回憶！」當中有不少靚相由馬國明揸機，兩人還去嘆壽喜燒，其中一段畫面中更意外攝入了岑杏賢的圈外老公張嘉俊（Kelvin），網民見此都大讚「2Line黨」成雙成對去觀禮好Sweet。