周渝民疑被搶男一有Say　吳慷仁懶理是非將角逐奧斯卡

金馬影帝吳慷仁最近簽約內地經理人公司，本身佢孖內地一線花旦孫儷合作新劇，點知就盛傳原本男一係由台灣男神周渝民（仔仔）做男主角，惟隨吳慷仁加入，已開工兩周嘅仔仔突然被換走，孫儷憂受吳慷仁是非牽連，冒賠天價違約金之險憤而罷工。事件發酵兩日，今日（4日）有台媒就此事本詢周渝民經理人，對方就回覆呼籲關心山陀兒颱風：「注意安全。平安、辛苦。」未有正面回應，令網友揣測疑另有內情。

即使吳慷仁是非纏身，不過由佢主演並口碑無數、由王禮霖執導嘅《富都青年》（Abang Adik），將代表馬來西亞角逐明年「第97屆奧斯卡金像獎」最佳國際影片，更係首部中文電影代表大馬參賽。