黃智雯為粉絲舉行生日會　感謝多年來的支持

藝人黃智雯（Mandy）去年底離無綫後，最更宣布在社交網推出半真人Show企劃，以追夢、勇氣及情緒宣洩等作主題，宣揚正能量，將演藝生涯累積的一點一滴，回饋支持她的人。她說：「今次企劃係由零開始，由籌集故事到拍攝，都係落手落腳去搞， 自主性好高嘅拍攝，過程中，最大困難係挑選故事，收集咗好多不同類型，每個故事內容都好好，但又唔可以全部拍出嚟，所以係好傷腦筋。」

Mandy先為支持她多年的Fans Leader圓夢，為對方籌辦神秘生日派對，她表示：「咁多年嚟嘅Fans Meeting都係佢哋為我準備、畀驚喜我，我哋可以話係一齊成長，有部分fans更加係我睇住佢哋長大，Fans Leader好似我嘅縮影，佢由以前驚驚青，到依家成為Leader，好似我以前都好冇自信，但為追夢竟然有勇氣放棄空姐入行，入行後亦要有勇氣面對好多人、挑戰好多新角色。」

為神秘派對Mandy可謂絞盡腦汁，除了為粉絲們親自下廚外，亦開金口獻唱多首歌曲，令粉絲既驚喜又窩心。