莊錠欣舉行新碟簽唱會　勁歌熱舞炒熱氣氛

歌手莊錠欣（Elkie）今日在港舉行首次新碟《＃EK》簽唱會，吸引逾百歌迷舉牌支持。談及在北角碼頭舉行活動，她覺得感覺很親切：「其實我好細個嘅時候，就已經響北角碼頭個紫荊號表演過，同埋因為我好耐冇響香港出席公開活動，可以同咁多Fans見面，覺得好開心。」她又表示之前曾在台南及高雄舉行簽唱會，但台灣天氣太熱：「我啲汗不斷向下流，今日香港天氣涼啲，但都有啲熱。」剛由台北來港的她， 指日前受颱風影響被困家中兩日，雖然當地停工及停課，但情況未算太差：「落街都買到嘢食。」

Elkie透露下月便在台北舉行500人音樂會，屆時跟Live Band合作，亦會邀請台灣歌手任嘉賓，但名單要大賣關子，只肯說：「會令大家有驚喜，同埋會唱韓文、英文、國語及廣東話四種語言嘅歌曲。（會性感演出？）少少性感啦。」