曾淑雅帶小鮮肉沙灘玩　奪命長腿勁吸睛

「長腿女神」曾淑雅（Jumbo）去年於去年11月誕下B仔，成為人母的她經常於社交平台上分享節兒子的成長點滴，並會晒出Keep Fit運動片，所以就算已為人母Jumbo依然魅力四射，身材仲fit到漏。

昨日Jumbo就在網上晒出與首次帶11個月大的囝囝Kobe到沙灘玩的靚相，相中Jumbo抱起仔仔，笑容相當燦爛，而她則身穿貼心小背心，搭配超短牛仔褲，大騷纖腰和長腿，相當吸睛，Jumbo留言：「我家小Kobe已經由手抱的爆炸頭小寶寶，變成11個月大的小鮮肉肉啦！真係肉感滿滿夠晒大隻！好在我已經練好咗啲臂力，前排仲熱帶左阿仔去第一次嘅沙灘，呢個好奇寶寶唔怕沙，唔怕海水，真係好期待之後識行識走既你到時又可以一齊游山玩水啦。」網友紛紛留言大讚Jumbo是「辣媽」。