范冰冰晒前衞「雙眼黑紅」自拍　網友嚇親：是本人嗎？

內地女星范冰冰依家「基地」定喺香港重新出發，被爆以月租65萬住山頂豪宅，唔只定居地移到香港，佢連社交網都配合香港Style，開社交網帳號同大家Chat。日前佢就上載咗幾張臉部近拍美照，畫上色彩醒目嘅紫黑色眼影，下眼瞼則畫上強烈嘅紅色眼影，左右漸層暈染，望落相當前衞，微亂髮型亦讓整體造型更加完整，展現狂野不羈、Rock爆一面。唔少粉絲被佢嘅新相驚艷到，不過亦有網友就質疑個Account到底係咪本人嚟。