唯一香港代表！AK釜山勇奪最佳新星獎

韓國影壇盛事《第29屆釜山國際電影節》於10月2日開鑼，電影節的其中一環《亞洲內容暨全球OTT大獎》今午（6日）舉行，女團少女時代成員Tiffany及男星姜其永擔任司儀。

今年作為唯一香港代表的人氣男團MIRROR成員Anson Kong（AK）憑劇集《打天下2》與韓國女星趙允秀及日本女星三吉彩花一同獲得「最佳新星獎」，AK先有韓文講「多謝」，之後便用英文說：「我完全沒想過會獲獎，我10年前曾經來韓國做練習生，後來我在香港出道了，很高興能在10年後再次來到韓國。」他特別多謝公司、家人和粉絲的支持。

在台上領獎的時候，AK分享感言道：「多謝ACA，我完全冇諗過會得獎。非常感謝韓國，2010年前我曾經喺韓國做練習生，Project完咗我就返香港，喺香港出道。10年後，我喺呢度得到呢個獎項，實在好興奮。首先我要多謝我公司同埋我嘅經理人團隊，另外仲有我嘅屋企人同埋fans，多謝！」至於「最佳男新人」一獎，則由蔡鍾協及金耀漢奪得，AK未有失望，反而獲頒「年度新星」是始料不及。AK事後分享道：「因為我冇諗過會攞獎，所以係完全冇壓力咁過去釜山，好多謝，完全冇諗過！嗰一刻我仲發緊夢，完全唔知道，但我真係好開心！因為我知道我唔係提名呢個獎，所以完全狀況外，但一見到自己有份提名，先係呆一呆，再知道自己得獎，更加呆！得獎完全係喜出望外！上緊台嗰陣，我仲諗，我陣間要講啲乜嘢呢？英文？中文？定係點呢？個腦一片空白。」

今次釜山行行程緊湊，AK除了出席頒獎禮以外，都未有機會趁機出外遊覽，他說：「釜山天氣冇比我想像中咁凍，唔錯！但今次冇食生嘅八爪魚，雲海臺電影大道都冇時間去行，希望下次有機會再嚟過。」

今年憑韓劇《背著善宰跑》的男星邊佑錫與女星金惠允贏得粉絲票選的「People's Choice Award」，兩人因為有其他行程而未能親自到場領獎，他們特別拍片多謝粉絲支持。。而AK與邊佑錫有份角逐的「最佳男新人獎」則由憑日劇《Eye Love You》在日本爆紅的韓星蔡鍾協及韓劇《殺人者的難堪》的男星金耀漢奪得，日本女星仁村紗和就贏得「最佳女新人獎」。而台灣男星柯震東憑劇集《不夠善良的我們》角逐「最佳男配角獎」，但最後不敵韓劇《假面女郎》的男星安宰洪，無緣捧獎，《假》劇的女星廉惠蘭則贏得「最佳女配角獎」。

內地男星胡歌憑《繁花》擊敗對手趙震雄、吳慷仁、任時完及堺雅人捧走「最佳男主角獎」，他表示：「這對我來說是一個非常美妙的夜晚，我遇到了好久不見的好朋友，也認識了非常優秀的新朋友，感謝釜山電影節讓我們可以相聚一堂。」台灣女星林依晨就憑《不夠善良的我們》揮低金惠允、朴寶英、周迅及二階堂富美奪得「最佳女主角獎」，韓文系出身的她用韓文說：「我是林依晨，我很榮幸能獲得這個獎，這個獎給我和這部劇集很大力量。」