邵初玩真空誘惑　Deep V大露背震撼眼球

藝人邵初係2021年港姐季軍暨「友誼小姐」，簽約無綫之後備受力捧，獲得唔少演出機會，除咗做主持工作外仲拍埋劇，獲邀加入處境劇《愛．回家之開心速遞》，早前仲有份拍台慶劇《巾幗梟雄之懸崖》，劇中佢同視后胡定欣有唔少對手戲，備受器重。

工作得意嘅佢，前日（5日）就約埋成班好姊妹去酒店開P，佢喺社交網大晒火辣性感相同片，報答粉絲，以掛頸Deep V低胸大露背超短裙上陣，大晒白滑美腿同玉背，噴血程度爆燈，而條裙面仲貼滿閃鑽，散發高貴優雅氣質。佢仲喺酒店房走廊行Catwalk，喺鏡頭前大擺撩人甫士，風騷自轉，自信十足，佢側身時上圍若隱若現，疑似係真空上陣，簡直係挑戰性感極限，震撼眼球，網民都睇到嘩嘩聲，噴到一地鼻血呀！