孫慧雪忘記結婚周年　急Book餐廳撐枱腳補鑊

藝人孫慧雪於2016年嫁圈外有米男友羅天彥（Edwin），婚後更先後誕下兩子，一家四口生活無憂，雪雪更經常在社交平台上分享日常生活，吸引大批網友追隨。

上月是孫慧雪與老公結婚8周年紀念日，但因為夫婦二人工作繁忙，又要湊一對囝囝，居然忘記了結婚周年紀念日，所以昨日雪雪就急急腳跟老公Book餐廳食食飯慶祝，並在網上晒出食物相片，不過眾相片中，雪雪居然大頭蝦只顧着吃，忘記了與老公合照，她留言：「因為最近實在係太忙嘅關係，我同老公都忘記咗，我哋嘅8周年結婚紀念日，咁啱Book咗間餐廳，就當慶祝咗啦，點知唔記得影合照 ，我老公話幾時都係最欣賞我咁食得。」