姜濤尖沙咀聽《中年好聲音》涂家堯唱歌　被粉絲發現即華麗轉身

人氣男團MIRROR成員姜濤日前在社交網限時動態透露嚴重「瞓捩頸」，並需急尋中醫刮痧，其後又到西醫就診，實行中西合璧。有網民昨日（8日）見到姜濤在尖沙咀一帶出沒，更人拍到他在商場門外駐足欣賞《中年好聲音》參賽者涂家堯獻唱。

據知，姜濤過大海到尖沙咀睇中醫，期間路過商場，聽到涂家堯唱歌表演，對方又正講人生哲理，所以姜濤好留心駐足聽歌，誰知被粉絲認出，立即華麗轉身離開，網民即大讚他可愛，像小朋友一樣。另外，姜濤今日現身宣傳劇集，獲大批姜糖撐場，他亦在社交網轉發姜糖應援影片，答謝支持。