VIVA首唱廣告歌感興奮　賣力跳足3日拍MV

英皇旗下女團VIVA首次為快餐店早餐產品擔任代言人，4人更同時主唱廣告歌曲《Morning Call》，廣告及MV將於今晚凌晨（8日）正式上架。首次演繹廣告歌，VIVA既緊張又大感興奮，成員們前後花了3日時間、逾60小時進行拍攝，無論精神或體力上都是一次挑戰。成員Carina透露為了節省來回車程，直接寄居於拍攝地點附近的朋友家，Macy則最難忘3天穿同一套服飾：「我哋每日跳舞出好多汗，Carina同我仲要着冷衫，好在現場有啲好嘢食咋。」

至於VALC最難忘是「開車戲」，沒有車牌的她拍攝時坐在司機位：「嗰刻我覺得自己好似識揸咁，前面有架車拖住我哋，我覺得好新奇，覺得好好玩，同埋一路吹住風、一路拍嘢係幾舒服。」Ada仔更自爆在片場喪食薯餅：「以前睇啲食嘢廣告，以為食幾次OK，但原來要拍攝唔同嘅角度，所以我應該食咗超過10塊薯餅，同埋有NG，所以食得越嚟越多，隊友見到都有問我使唔使幫手，但我懷疑其實佢哋自己都好想食，哈哈！」