知对方系边个！姜涛亲解睇《中年好声音》歌手表演被发现即弹之谜

男团MIRROR、ERROR、廖子妤、余香凝、蒙嘉慧、黄浩然及谢君豪等，今日（8日）到会展出席电视台节目巡礼。MIRROR日内将开工，拍摄一个有关食物的节目，队长Lokman（杨乐文）表示今次工作人员相当神秘，暂时未知形式如何，讲到厨艺，他们首推AK（江𤒹生），直指他煮的意粉好食到舔舔脷！当被问到谁最“擦得”时，姜涛大方笑说：“我啰。（你锺意食啲咩？）食兄弟煮嘅嘢。”

当被问到于尖沙咀街头围观《中年好声音》涂家尧唱歌，结果被粉丝发现后来个华丽转身！姜涛表示：“觉得佢唱歌好听。（知佢系边个？）现场有介绍嘅。（点解走得咁急？）因为真系时候要离开。我觉得最紧要大家都支持香港歌手啫，估唔到咁都上新闻！”

至于日前未有担任MIRROR兄弟与COLLAR几位成员的联乘演唱会嘉宾，反而请假飞往台湾，姜涛只简单表示此行公私两忙。至于日前上载刮痧相，他澄清自己没有生病，只是定期作身体保养而已，Anson Lo（卢瀚霆）闻言亦点头表示：“好似我哋跳舞跳得多，都好容易整伤身体，之前我条腰有事都去咗拔罐。”

另外，Edan（吕爵安）绯闻女友林明祯推出新歌《On Cloud Nine》，歌名意思涉及求婚惹人遐想，亦有网民觉得名字骑呢，Edan不欲多言，只淡然回应：“我冇听过，亦都冇畀意见，乜出咗（歌）咩？（罗家英话你口才好，睇好你追到女神。）佢叻过我，追到阿姐（汪明荃）。”Frankie（陈瑞辉）与女友的感情轇轕，早前闹得轩然大波，问到如今是否依然感情稳定，他点头表示：“系嘅，不过嚟紧会集中火力做好啲工作先。”至于Ian（陈卓贤）被传演唱会会有Part 2，他坦言暂时未有确实消息。