菊梓喬戀情降溫保事業　吳保錡自嘲人間垃圾

歌手菊梓喬（Hana）自和吳保錡傳緋聞後，外界反應兩極，為免冒脫粉之險，最明智是將緋聞降溫，難怪她日前出席活動時，自爆要閉關寫歌，所以忙到連社交網都少玩，更惹來情變之說。

不過身體最誠實，最近保錡推出全新個人單曲《跑吧，小丑》，更以小丑妝造型現身，連日來頻頻在社交網為新歌宣傳，更出動「自嘲招」造勢，留言：「我係猥瑣，我係crazy，我係人間垃圾，我係跑步小丑，And what ?」擺明一副「別人笑我太瘋癲，我笑他人看不穿」的態度，仲話：「我就係鍾意呀我鍾意跑就跑跳就跳！吹咩」。

亦有網友好「關心」傳為Hana獨設的愛的紋身，挑機問保錡謂：「你嘅綠色心心呢？」保錡亦直面還擊回覆了一個「綠色心心emoji」，而另一個關心保錡的網民則非Hana莫屬，皆因單計9月1號起至今，保錡上載了27個PO，Hana就「Like咗」21個，在緋聞男友的社交平台如此活躍，她似乎不是少玩社交網，而似和保錡轉玩地下情。