朱潔儀孖黃百鳴合唱冇壓力：佢音域都好廣

電影人黃百鳴近期一曲《記憶棉》在網上極速爆紅，其獨特的唱腔逐個字跟住唱，網民形容完全巔覆了整個樂壇，令人聽到有如海豚擱淺的感覺。原來他真的很喜歡唱歌，每次都不會放過一展歌喉機會。好似早前畫家港姐朱潔儀到他開設的私人會所舉行派對，就與黃百鳴合唱了《相思風雨中》與《誰令人你心痴》等歌曲，可能有靚聲伴唱下，黃百鳴一改《記憶棉》的高八度演繹，換上抒情聲調加少少獨有的粵曲腔。

問到朱潔儀竟然挑機黃百鳴時，本身有跟老師學唱歌的她表示：「百鳴哥有好多『飲歌』，佢好多歌都識唱，懷舊又得、英文歌又得，連流行曲都難唔到佢。（有冇聽過佢唱《記憶棉》條片？）有，唱得幾好呀，聽得出音域都好廣吓，同佢唱歌冇壓力，亦唔覺佢係魔音。」