郭柏妍獲粉絲搞生日會　感激4年演藝路上支持

無綫小花郭柏妍(Rosita)向來有「A0女神」之稱，Rosita自2020年當選港姐季軍後，憑着清新、甜美外型成功入屋，觀眾緣甚好，短短幾年參演不少劇集的重要角色，入行短短時間已奪得台慶「飛躍進步女藝員」獎項，算是近年出色的港姐之一！

日前踏入27歲生日的她，入行4年來首次搞粉絲生日聚會，Rosita亦有將派對照片PO於社交網，被粉絲圍着的她受寵若驚，看粉絲們為她製作的生日影片時，更感動落淚，相當有愛。

Rosita今日接受東網訪問時謂：「嗰日真係好開心，美中不足嘅係其實嗰日我好唔舒服，可能之前吹親感冒，不過都好開心，第一次見到入行4年以嚟一直支持我嘅朋友仔。粉絲都剪咗條片喺現場播出，當中包括我選港姐入行、拍劇做節目嘅小片段，最後又有啲朋友錄啲生日祝福畀我，尤其是阿Shaun(譚俊彥)，佢喺啱啱拍完嘅《麻雀樂團》入面做我爸爸，粉絲就專登喺佢宣傳《企業強人》時搵佢錄咗段片，真係好感動，好多回憶湧現。」