莊子璇處女拍劇冇覺好瞓　唔做夜鬼乖乖變睡寶寶

前港姐冠軍莊子璇最近拍畢無綫新劇《金式森林》，日以繼夜忙碌完數月後，現在正放假的她可以好好休息叉電，變身睡寶寶。

首次拍劇無形壓力令她睡眠質素相當差，她說：「之前拍劇3個月幾月都瞓得唔好，驚會起唔到身返工，有時瞓瞓吓更加會好似夢遊咁起身，以為拍緊劇喺度做動作，但係個腦就清醒嘅。」

現在完成劇集莊子璇亦一改夜瞓的習慣，由以往凌晨三四點睡覺，現在十時許便落床：「拍完劇個人仲好攰，依家要好好補眠，十點半就睡覺，睡到第二日畫一兩點，有時醒一醒，發覺原來冇嘢做，可以繼續瞓，瞓到自然醒，懶洋洋感覺真係好開心、好舒服。」