馮允謙邀衛蘭合唱　 自爆因對方才回港入行

「唱作歌手」馮允謙(Jay)前晚在紅館舉行第二場個人演唱會，陳健安、雲浩影、AGA等前來捧場。跳唱快歌時，Jay一呼百應，觀眾紛紛站起來跟他一齊跳舞，之後唱慢歌時揮動手幅和手機燈，encore時更全場大合唱《一步一悔過》，Jay表示好感動。

而今場的表演嘉賓為衛蘭(Janice)，二人合唱英文歌《Like I’m Gonna Lose You》後，Jay自爆十多年前因被Janice歌聲迷住，決定入行做歌手，昨晚終於紅館合唱，夢想成真。Jay說：「Janice對我嘅音樂路向好重要，因為入行前我喺加拿大，睇電視見到一個女仔喺遊戲節目裏面唱歌。嘩，呢個女仔唱歌咁好聽嘅！後來知道佢好似我咁鍾意R&B，又好似我咁睇中文要睇拼音，當時希望有一日可以同呢個女仔同台唱歌。」Janice亦好感動，她對Jay說：「I’m so proud of you！我覺得你嘅聲音喺呢行係好獨特。No one can sing like you！」全場掌聲歡呼。