蘇韻姿處女快閃寶島36小時　遇上颱風冇得行夜市

藝人蘇韻姿最近到台灣「快閃」工作，原來今次是她第一次踏足當地，但因隨後香港有工作在身，逗留36小時便要返港。雖然今次行息匆匆，但也有不少體驗，更碰上颱風，認真充實。她說：「今次係我第一次去台灣，本身想留多兩日，但係接住有緊密嘅工作，所以今次嘅台灣快閃旅程只有36小時，仲要咁啱撞到颱風，工作完諗住去夜市都冇機會。」

蘇韻姿最可惜是未能逛台灣出名的夜市，但日常也能感受到當地的節奏和熱情：「第一次去台灣嘅感覺好舒適，我好鍾意當地嘅節奏，台灣人真係好熱情，我去到邊就傾到邊，啱晒我呢一啲「E人」，今次嘅旅程係工作trip，但係其實我都好鍾意一個人去旅行，唔知下次會係幾時呢？」