棉蘭老島公主陳昭昭搞迷你演唱會賀生日

於2016年獲菲律賓棉蘭老島皇室封為公主的藝人陳昭昭， 日前大搞「千朵玫瑰昭昭生日演唱會」，賀自己牛一之餘，亦與一眾親朋以及生意上的朋友齊齊共歡，她於演唱會上，換了５套靚裙兼大唱18首金曲，並邀請兩位靚聲王歐偉麟以及萬飛任嘉賓。

對於今次搞迷你演唱會，昭昭笑言是圓自己一個夢：「我一直都好想搞演唱會，今次仲可以同一班好朋友相聚，真係好開心，演唱會嘅音樂總監宋子豪Ben Sir好好，佢啱啱做完手術， 因為之前應承我嚟幫手，佢特登提早出院過嚟， 真係令我好感動，好多謝佢。」