AK搞生日會　現場粉絲遭電暈

MIRROR副隊長Anson Kong(AK)後日(16日)正式踏入32歲，於𨥏山國際影展奪得「年度新星」的他，凱旋歸來後不久即「慰粉」，與一眾粉絲在酒店搞慶生活動，場面熱鬧又開心。

現場延開多席，AK逐圍台坐低影相，跟粉絲近距離接觸，不少女粉絲都指被他電暈。粉絲們更送了一支電結他蛋糕給AK，他看了非常開心，更一時得意忘形忘了是真蛋糕，一手揸住，相當搞笑。而他於台上謂既搞氣氛，又唱歌表演，搞到全場咿嘩鬼叫。

另外，MIRROR成員都各自藏了不少隊友的「黑圖」，間中就會PO出分享給粉絲及網民，大表哥Stanley今日於社交平台PO了一張Edan搭車時擘大口瞓覺嘅短片，相中的Edan用cap帽遮住額頭，Stanley還配文：「頂帽嘅用處係？」相當抵死，事後 Edan亦有轉發並留言：「我頂」，跟住Stanley更將瞓覺相整成，寫上「哥就是帥」，又配文：「Sticker都幫你整埋(想要講dm)」，Edan亦「回禮」PO了Stanley的Sticker表示:「一早幫你整過啦」果然快手。