詹天文音樂派對勁興奮　張馳豪念嫲嫲眼濕濕獻唱

「聲夢小花」詹天文（Windy）、張馳豪（Aska）、周卓盈、黃筠兒及趙展彤等前日出席商場音樂派對，Windy見現場反應熱烈大叫好玩：「讀中一、二時，曾經與同學去海邊玩過一次Busking，剛才回憶番晒嚟，頭先見到有人跳K Pop，我都爭啲忍唔住想跳埋一份。」

Aska彈電結他演繹新歌《宇宙逃生口》，在獻唱新加坡天后孫燕姿的經典金曲《天黑黑》前，他感性說：「我同嫲嫲關係好親密，由細湊到我長大，再聽番有種特別感觸，希望今日嘗試感動到大家。」返到後台時，更忍不住落淚，自言情緒失控的他表示嫲嫲已過世6年，早前更專程返上海拜祭，又指為表演電結他練足一周，練到手指也起水泡。