許瑋甯暢遊巴黎　新Look撞樣Taylor Swift

模特兒出身嘅台灣女星許瑋甯，憑精緻混血美貌及苗條身材圈粉無數嘅佢，同時更以精湛演技，成功喺戲劇界闖出一片天。而不時透過社交網分享生活點滴嘅佢，日前就晒出一輯喺法國巴黎影嘅唯美街拍照，金色羊毛捲嘅新髮型令唔少網友眼前一亮嘅同時，慵懶又充滿貴婦嘅氣質及猶如娃娃般嘅造型，更係驚艷唔少網友，並紛紛留言大讚：「好適合當法國女人，太水了！」、「是洋娃娃吧！好美。」更有唔少網友直指金髮許瑋甯撞臉美國天后Taylor Swift。