任達華張艾嘉再次同場　為影壇培養編導精英新人

影帝任達華對提攜圈中後輩及可造之材不遺餘力，近日剛完成新片《用武之地》拍攝的他，特意抽空飛返內地，聯同張艾嘉出席《IM兩岸青年影展》，與新一輩的製作人對話。他表示﹕「今次個活動好有意義，主要係畀來自兩岸三地、五十間唔同學校嘅年輕人同我哋作交流，而佢哋全部都對編劇及導演嘅工作好有興趣，所以希望藉此畀奬項，或者奬金作出鼓勵，扶持吓佢哋繼續追尋自己嘅電影夢。」

任達華直言這批影壇新力軍，出產的作品水準相當不錯，值得支持。談到與張艾嘉再次同場見面，他笑說：「其實自從電影《燈火闌珊》宣傳及上映後，我哋兩個都好耐冇見，不過又真係好有緣分，好似回程嘅時候，大家不約而同坐同一班機。我同佢都覺得有機會同一班年輕人交流，開心見誠咁傾吓電影製作，真係件賞心樂事。」