情緒差宜傾偈曬太陽　張敬軒做網絡心靈雞湯

一向錫粉的歌手張敬軒（軒公），經常與網民互動傳遞正能量，漸漸地成為網絡心靈雞湯。日前有網民談及自己工作辛苦，軒公發文給予鼓勵，教大家試試跟自己傾偈，去思考、計劃自己的將來，當下的困難或者會令自己將來變得更好。其後軒公再發文，繼續發放正能量，他表示：「諗唔到嘢嘅時候就畀自己落街行吓，有太陽嘅時候就出去曬下太陽，如果經濟允許嘅話，唔開心嘅時候就畀自己去買吓嘢，買啲見到或者用咗會開心嘅嘢，最好係隨身嘅或者著喺身上嘅，令自己feel good就得了，聽吓音樂、做吓推拿和艾灸仲係好好嘅選擇添！」

軒公又稱要與高能量的朋友多見面，戲言勿與「呻到樹葉都甩」的朋友坐埋一齊。他又分享飲食亦會影響情緒，認為均衡飲食好緊要，教大家多飲水，還提醒情緒不好時是很容易做錯決定，也不要因為情緒不好講出傷害身邊人的說話。另外，軒公將粉絲送給他的公仔一次過大曬冷，Po滿一地拍照，自己開心之餘，粉絲更開心。