似足港版《黑白大廚》　梁朝偉謝霆鋒張敬軒都係座上客

韓綜《黑白大廚：料理階級大戰》熱爆全球，當中最Hit嘅就係評判之一、韓國唯一米芝蓮三星大廚安成宰，佢旗下猛料餐廳開到嚟香港，但其實本地都有自己嘅《黑白大廚》，好似灣仔一間高級法國餐廳由新加坡籍主廚溫有成（Edward Voon）主理，佢擅長將亞洲風味和法式烹飪技巧糅合，圈中人個個趨之若鶩，成群結黨咁去朝聖，包括梁朝偉、謝霆鋒、關之琳、陳奕迅、古天樂、古巨基、張敬軒等名人都係座上客，似足巨星飯堂。

被大讚係創意鬼才嘅Edward，成日都會晒出同唔同名人嘅合照，曾訃多家高級餐廳工作，無限創意及精湛廚藝亦令佢屢獲殊榮，曾於2005年帶領新加坡隊在「世界廚藝大師大賽」（Salon Culinaire Mondial）勇奪總冠軍，又曾於2007年被英國《Restaurant》雜誌選為十大最具創意廚師之一。在2008年及2010年，Edward更於「世界美食峰會」上分別獲得「年度廚藝新星」及「年度行政總廚」榮譽，佢亦不時上載同名人合照，非常受歡迎。