李幸倪跳花式繩　勉勵學生注重身心健康

歌手李幸倪（Gin Lee）日前走訪科大，與電台主持阿酸推廣廣東歌。事隔多年重返校園的她，當天化身科大跳繩隊成員，演繹快歌《Diff.》融入花式跳繩動作，炒熱全場氣氛。Gin Lee緊接與科大凝音社樂隊合作，演繹重新編曲的《企好X雙雙》，同門師弟曾傲棐（Arvin）更驚喜現身，現場演繹《密友圈之謎》，為校園增添一份青春氣息。

Gin Lee於活動期間唱出《新牌仔》及《單戀這件小事》，更藉《新》歌寄語學生們﹕「我知道做學生嘅壓力好大，就算係我都好似歌詞所講一直學習。一個人就算去到60歲，都有好多嘢會覺得自己係新手一樣，所以唔需要太逼迫自己，身心健康先係人生嘅首位。雖然今日只係短短幾首歌嘅時間，我好希望藉著歌曲為大家提供一點喘息嘅空間。」

初次挑戰花式跳繩的Gin Lee對於能成就解鎖大表雀躍：「我同跳繩隊成員幾個月前就一齊開會同埋練習，我係跳繩新牌仔，佢哋除咗係學生都係我嘅老師。希望藉著今次嘅活動，喺大學發掘具有不同才能嘅學生，我好想畀大家都知道每個人都有佢哋嘅獨特發光點。」