周吉佩越級挑戰　邀「最佳男配」袁富華鬥戲

歌手周吉佩（吉吉）近日忙於準備下月舉行的演唱會，日前他拍攝新歌《第三人生》MV，邀來曾奪得金像獎「最佳男配角」的袁富華（Ben）亮相演出。對於能夠邀得對方「加持」，吉吉坦言由寫歌開始，已鎖定由對方擔演，Ben亦坦言被吉吉寫的歌打動，所以樂於成人之美。

今次MV於一間結他舖進行拍攝，吉吉更即場充當導師，教Ben彈起結他，Ben表示：「其實因為拍戲嘅關係，之前都學過幾堂嘞，只係學極都唔識。今次吉吉教咗我一個小技巧，即刻上手彈到，認真厲害。」 對於吉吉鬥戲，他表示：「吉吉本身唱開歌，其實唱歌都係演緊戲，所以佢都好快上手。」

MV日前已經推出，兩天流量已逾10萬，外界反應相當不俗，而前晚再加推劇場版，令粉絲睇過痛快﹗作為MV導演的吉吉表示：「今次係微電影嘅拍攝方式，有好多細節一首歌時間唔夠出晒，所以先會有咁嘅決定，希望觀眾見到更多Ben嘅精湛演技，佢仲有一場好精彩嘅打戲未出街㗎。」