李多慧叉錯腳險墮台　意外畫面曝光

韓籍啦啦隊女神李多慧，近年轉戰台灣定居及發展嘅佢，人氣高踞不下，廣告代言更係接唔停。而日前，受邀喺台北大巨蛋應援演出嘅佢，喺活動結束時如常露出招牌微笑，並邁着自信步伐慢慢落台離開，未料落樓梯時竟然意外踩空，好彩及時企番穩先未有釀成意外，離開舞台後嘅佢似乎心有餘悸，面露驚恐表情並用右手輕撫心口，不過驚險瞬間仍被唔少粉絲捕捉，並Po上網道：「多慧差點撲倒，走樓梯要專心，台上一條龍台下一條蟲。」